Jana Gana Rann

Jana Gann Mana Rann hai
…is Rann mein
Zakhmi hua hai Bhaarat ka Bhaagya Vidhaata
Punjab Sindh Gujrat Maratha
Ek doosre se ladd ke mar rahein hain
Is desh ne humko ek kiya
Hum desh ke tukdey kar rahein hain
Dravid Utkal Banga
Khoon bahaa ker, ek rang ka kar diya humne tiranga
Sarhadon pe jung aur
Galiyon mein fasaad danga
Vindh Himachal Yamuna Ganga
Mein tezaab ubal raha hai
Mar gaya sab ka zameer
Jaane kab zinda ho aagey
Phir bhi Tava shubh naame jaage
Tava shubh aashish maange
Aag mein jal kar cheekh raha hai
Phir bhi koi nahi sach ko bachaata
Gaahe tava jaya gaatha
Desh ka aisa haal hai lekin
Aapas mein ladd rahein Neta
Jana Gann Mangal daayak jaya hai
Bhaarat ko bacha le Vidhaata!!!
Jaya hai – Ya yeh – Marann hai
Jana – Gann – Mana – Rann hai